Lydia's Lechon atbp

Lydia's Lechon

at iba pa ...

Palagi kaming nagddrive thru sa BK na malapit sa bahay.

Yung nasa Marcos Hiway.  Napansin ko minsan na may

Lydia's Lechon sa tapat ng BK.  Dati ay hindi pa naka aircon

ang kanilang restawran, pero noong minsang napalingon

ang aking anak, nakita niya na may  aircon na sila.

Kaya noong isang linggo, imbis na magdrive thru sa BK,

sa Lydia's Lechon kami nagmerienda cena.

Umupo ako sa isa sa mga silya at naghintay na may lumapit

na waiter para humingi ng menu habang nagpark 

ang aking anak. Lumapit ang waiter pero walang menu.

 Ang sabi sa akin ay... "Ma'am, sa harapan po magorder."

Naka smile naman siya sa akin. ...

Ah ganoon ba? Yan ang sinabi ko.

Hahaha ... natawa ako sa sarili ko.

***

Iba't ibang uri ng ulam. Turoturo style.

Napaka-pinoy.  Para palang fastfood.

Parang gusto kong umorder ng lahat nito.

Pero, sabi ng anak ko ... Mom, pakakain mo 

lang lahat sa akin yan! Hahaha... OO nga naman.

Meron din silang mga inumin, pampalamig tulad 

ng buko pandan at sago't gulaman.

Mga panghimagas at Fresh Lumpia sa refrigerator.

Nagtitinda rin sila ng sarsa, seasoning at chicharon.

Lechon / Php 220

Karekare Solo / Php 135 (walang kanin na kasama)

Paksiw na Lechon Meal / Php 105 (may kasama na kanin)

Isang tasang Kanin / Php 30

Coke Zero / Php 42

Sprite / Php 42

Php 574 ang total ng binayaran namin.

***

Ito yung lechon na naka display at tinatadtad

ng isang Manong/Kuya.

Bakit kaya walng ulo?

Marahil ay may nakabili na ng isang

Lechon in Bilao. Kaya naman pala.

***

Masarap naman ang Lydia's Lechon.

Dapat ay isawsaw ang lechon sa sarsa  na

may kasamang seasoning. Naging

mas masarap at tama ang timpla.

Nagkaroon ng UMAMI modality ang lechon.

Bata pa ako, bumibili na si Nanay ng lechon 

na ito tuwing may handaan sa aming bahay.

Ang palagi niyang binibili ay yung may

Paella sa loob ng Lechon.